Lulzim Basha zhvilloi një takim elektoral në Durrës këtë të Shtunë në kuadër të fushatës elektorale për zgjedhjet e pjesshme të 6 Marsit, nga ku bëri apel për të votuar kandidatin e tij Luan Hoti.
Në një moment teksa fliste me mikrofon, i rrethuar nga mbështetës, Basha kapi një karrige plastike dhe e hodhi tutje – një simbolikë kjo për të treguar se në 6 Mars do të hidhet tutje “karrigia e pushtetit”.
“E di çfarë i bën rinia në çdo vend, edhe në Shqipëri atyre që e kanë mendjen mos t’i lëshojnë karriget? Iu bën këtë”, tha Basha, i cili më pas ‘fluturoi’ karrigen tutje.
“Dhe këtë do t’iu bëj atyre që kanë 22 vite që nuk e lëshojnë karrigen e kryebashkiakun të Durrësit dhe e kanë katandisur Durrësin, perlën e Adriatikut. Simbolin e krenarisë tonë, si shqiptarë dhe pasardhës të Ilirëve, në një qytet të pajtueshëm për rininë e për durrsakët. Pse, sepse kanë instaluar një model tjetër, modelin e vesit, modelin e korrupsionit. Këto nuk janë akuza. Dhe ky është ndryshimi me modelin tone”, shtoi ai.
