“Shtëpia e Lirisë” me 6 mars nis fitoren e parë nga Shkodra, për ta përhapur më pas në të gjithë Shqipërinë”, u shpreh kandidati për kryebashkiak të Shkodrës, Bardh Spahia.
Në një takim me gratë dhe vajzat, ku i pranishëm është edhe ish-Kryeministri Sali Berisha, Spahia shprehu bindjen se 6 marsi është dita e ndryshimit.
Ai u shpreh se problemet do të zgjidhen me ndershmëri, ndërsa premtoi mbështetje të fuqishme për gratë dhe vajzat e qytetit, për ti lehtësuar problemet që përballen çdo ditë.
“Do drejtoj qytetin me ju dhe për ju. Një apel të fortë kam për qytetarët, që të na bashkohen në rrugëtimin e fitores dhe ndryshimit”, tha Spahia, duke theksuar se me 6 mars duhet ti rikthejmë dinjitetin e munguar qytetit tonë dhe gjithë Shqipërisë.
