Një video është bërë virale këtë të premte në rrjete sociale. Një i moshuar ka shpëtuar mrekullisht, pasi automjeti me të cilën ai po udhëtonte u shtyp nga një tank rus në kryeqytetin ukrainas, Kiev.
Raportohet se i moshuari qarkullonte në rrugë, pa i krijuar asnjë shqetësim ushtarëve rusë, ndërsa sikurse shihet në videon e mëposhtme makina e tij u rrafshua nga tanku rus.
Megjithatë fatmirësisht i moshuari shpëtoi pa asnjë gërvishtje, ndërsa kalimtarët e ndihmuan të dilte nga makina e shkatërruar.
Më herët sot, mediat ndërkombëtare raportuan për tanke të blinduara ruse që kalonin nëpër Obolon, një zonë në veri të qytetit të Kievit.
