Rusia njoftoi sot se do të ndalojë të gjithë avionët e lidhur me Britaninë e Madhe nga hapësira e saj ajrore, pasi Londra vendosi sanksione ndaj linjës ajrore ruse ”Aeroflot”, si kundërpërgjigje ndaj pushtimit rus të Ukrainës.
”Hapësira ajrore ruse është e ndaluar për të gjithë avionët në pronësi, me qira ose të operuar nga kushdo që ka lidhje me Britaninë e Madhe si edhe ata të regjistruar atje”, tha në një deklaratë për shtyp rregullatori ajror rus ”Rosaviatsia”.
Ky ndalim vlen edhe për fluturimet tranzit mbi territorin rus.
