Erion Veliaj është kapur me presh në dorë lidhur me inceneratorët. Kështu u shpreh Monika Kryemadhi, kryetare e LSI, në emisionin “Zonë e Lirë”, ku deklaroi se nuk ka asnjë vendim të Këshillit Bashkiak lidhur me kontratën dhe detyrimet që ka marrë përsipër për inceneratorin.
“Ka marrë përsipër detyrime për 30 vjet, janë 84 mln dollarë, të cilat nuk mund të merren përsipër nga Kryebashkiaku, pa një vendim të Këshillit Bashkiak. Ndaj, SPAK duhet të veprojë, të hetojë dhe po e them që sot Prokuroria Speciale është në provë, ka një test”, tha Kryemadhi.
Ajo tha se janë të paktën 7 mln euro që janë tërhequr nga kompani fiktive, që do të thotë se janë konsumuar dy vepra, një e mitmarrjes dhe një e evazionit fiskal.
Kryemadhi tha se kjo është një skemë e pastër e pastrimit të parave dhe gjurmët i gjeni në Holandë, Qipro, Maltë deri te ishujt Kajmak.
