Monika Kryemadhi, kryetare e LSI, tha në emisionin “Zonë e Lirë” se paratë e inceneratorëve kanë lënë gjurmë në ishujt Kajmak, Qipro apo Maltë.
Kryemadhi tha se kudo po lihen gjurmë dhe ata 3 prokurorët e SPAK që po hetojnë çështjen, duhet ti shkojnë deri në fund.
“Partitë politike nuk kishin vullnet për të zbardhur çështjen, pasi mund ta bënin në Komisionin hetimor. Tani është koha e SPAK për të treguar vullnet politik, dhe nëse nuk e tregojnë “koka që pritet” është e atyre 3 prokurorëve që po hetojnë çështjen”, tha Kryemadhi.
Ajo tha se incenerimi me 29 euro toni është totalisht një mashtrim, pasi ky proces kurrv nuk do të ndodhë.
Kryemadhi tha se Edi Rama e bëri mbrojtjen e fundit lidhur me inceneratorët, ndërsa çështja është te SPAK, i cili duhet të tregojë vullnetin, dhe te ndërkombëtarët, që kanë pompuar reformën ndrejtësi.
“Unë do të merrem me SPAK, do të shkoj derë më derë te ata që e kanë suportuar reformën në drejtësi, dhe do të tregoj atë se çfarë ndodhi, pasi kjo e inceneratorëve është prova e Prokurorisë Speciale në zbardhjen më pas të të gjithë koncensioneve në Shqipëri”, tha Kryemadhi.
