Në “Elbasan Arena” u luajt derbi i kryeqytetit, Dinamo-Partizani, me të dyja ekipet në luftë për pike, njëra për mbijetesë e tjetra për Europën.
Gjithsesi pas një ndeshje me raste dhe emocione në fund, të dyja ekipet duhej të kënaqeshin me nga një pike edhe pse si Dinamo ashtu edhe Partizani mund ta fitonin këtë takim, teksa të kuqtë luajtën afro 15 minuta me një lojtar më pak.
Pjesa e parë kishte disa shkëndija si nga Cara për të kuqtë ashtu edhe nga Ibraimi për blutë teksa nuk pati gola të shënuar.
Fraksioni i dytë i ndeshjes ishte më i bukur pasi Partizani sulmon më shumë dhe i afrohet golit me Kallakun. Në 76’, arbitri akordon një penallti për Dinamon dhe karton të kuq për Muratajn duke penalizuar kështu miqtë por VAR e korrigjon dhe jep goditje dënimi ku ekzekutimi i saj nuk sjell asgjë. Dinamo përpiqet në minutat e mbetura e gjithashtu Partizani por asgjë nuk ndodhë teksa të dyja ekipet largohen me nga një pikë.
