Një punonjëse e Forcave Operacionale është arrestuar nga agjencia e mbikëqyrjes policore. Ajo akuzohet për vjedhje të banesave dhe të një automjeti. Vjedhjet ajo i kryente në Kosovë. Çështja u referua në policinë shqiptare nga policia e Kosovës.
Burimet bëjnë të ditur se ajo është ndaluar pak para se të hyjë në Shqipëri, ku lëvizte me një makinë të vjedhur të cilës i kishte ndërruar targat. Raportohet se vjedhjet efektivja e Forcave Operacionale i kryente bashkë me disa persona të tjerë.
