Ministrja e Jashtme Olta Xhaçka ishte pjesë e takimit virtual të Këshillit të Përhershëm të OSBE-së.
Xhaçka shprehu qëndrimin e Qeverisë shqiptare duke dënuar agresionin e Rusisë ndaj Ukrainës.
“Nuk është sulm vetëm ndaj Ukrainës, por ndaj arkitekturës së sigurisë së Evropës. E gjithë Bota e bashkuar kundër këtij akti të paligjshëm agresioni.
Sulmi kundër Ukrainës është krim, përgjegjësia bie mbi udhëheqjen ruse.
Përpjekjet tona kryesore tani duhet të jenë mbrojtja e jetëve njerëzore. Shqipëria rithekson mbështetjen për sovranitetin dhe integritetin territorial të Ukrainës. Do të ndërmarrim të gjitha veprimet e nevojshme për t’i qëndruar pranë Ukrainës”, tha ajo.
