Replika këtë Enjte në parlament mes deputetit demokrat Dashnor Sula dhe zëvendëskryeministrit Arben Ahmetaj.
Gjatë fjalës së tij nga foltorja e Kuvendit, Sula foli “për ministra të përzier në korrupsion”.
Në këtë moment, zëvendëskryeministri Ahmetaj, ulur pas shpinës së deputetit flet nga vendi.
Mes tyre nis një debat.
Teksa Ahmetaj debaton pa mikrofonin e ndezur, Sula i thotë: “…Me ty nuk kam gjë zoti zëvendëskryeministër. Se ti je qelibar. Unë të gjykoj aq shumë tu sa të njof që rrënjë e dhëmballë që nga 87 a”.
“Më ngatërron”, dëgjohet të thotë Ahmetaj.
Sula: “Po sigurisht mo se ti ke ndërruar dhe emrin, ke ndërruar dhe shumë gjëra të tjera. Mirë mo zoti Ahmetaj mirë se s’doja ta përmendja emrin se do mundohem mos ta përmend emrin shumë se po ta përmend emrin shumë mund të ndyj dhe veten. Po nganjëherë, s’kam për ta përmendur gjatë. Me kaq mund ta lë me ty debatin”.
“Ça e ke kontrollu gojën”, dëgjohet të replikojë Ahmetaj.
“E kam kontrolluar shumë mirë dhe do ta kontrolloj. Ma ndot më shumë ti, emri jot”, përgjigjet Sula.
