Ushtria e Ukrainës thotë se rreth 50 forca ruse janë vrarë dhe gjashtë avionë luftarakë janë shkatërruar në mes të luftimeve në lindje të vendit.
Më herët, ministria e Brendshme ukrainase njoftoi se 7 ushtarë ukrainas kishin mbetur të vrarë dhe se 15 të tjerë u plagosën.
“Mjetet e mbrojtjes ajrore të Forcave të Armatosura të Ukrainës janë goditur”, citoi agjencia e lajmeve Interfax ministrinë ukrainase.
Zhurmat e shpërthimeve në kryeqytetin e Ukrainës dhe sirenat ajrore të ndezura kanë nxitur banorët e qytetit të largohen nga vendi për siguri.
