Tenori i njohur shqiptar, Ramë Lahaj, ka arritur të prekë shumë skena të njohura të botës fal talentit të tij.
Tenori ka kujtuar sot, në ditën kur Rusia sulmoi Ukrainën, momentin kur ka performuar në teatrin “Bolshoi” në Rusi.
Përmes një statusi në rrjetet sociale, Lahaj u shpreh se në këtë shtet njerëzit janë paqësor dhe të emancipuar. Prandaj, sipas tij, gjithçka e ka krijuar Putin.
Postimi i plotë:
“Si artist kam qenë disa herë në Moskë të Rusisë për të performuar në “Bolshoi teatër”, teatër ky me një kulturë shumë vjeçare. Ata janë artistë e njerëz të mëdhenj. Në boten e operës kam shumë miq rus të cilët janë njerëz e artist të mrekullueshëm. Njerëz paqësor dhe të emancipuar. Këto ditë kam diskutuar me disa prej tyre, ku kam kuptuar keqardhjen që shprehnin ndaj situatës me Ukrainën. Përfundimisht Rusia nuk meriton një përfaqësues si Putini. E gjithë kjo psikopati për destabilizim i adresohet direkt atij. Si një fëmijë që ka përjetuar luftën, ndjej keqardhje për Ukrainën dhe qytetaret e saj. Dhe uroj që gjendja të stabilizohet shumë shpejt. Sikur nuk kaluam mjaftueshëm dy vjet trauma nga pandemia. Veç edhe lufta na mungonte. Poshtë Putini dhe psikopatët që e mbështesin destabilizimin e çfarëdo provokimi për luftë”.
View this post on Instagram
