Kryeinspektores së IMT-së në Sarandë, Romina Pulaj, e cila akuzohet për “shpërdorim detyre” se lejoi ndërtimin e një pallati 7 katësh, iu caktua masa e arrestit me burg nga Gjykata.
Sipas njoftimeve zyrtare nga Policia, biznesmeni Pando Papuçi kishte disa muaj që po ndërtonte një pallat shtatë katësh në kodrinën e qytetit, ndërsa Pulaj nuk ka ndërhyrë për të bllokuar punimet edhe pse ato ishin pa leje.
Nisur nga situata e krijuar, prokuroria bashkë me policinë kanë arrestuar Pulajn, ndërkohë që është shpallur në kërkim edhe biznesmeni Papuçi, i cili ishte edhe pronari i truallit ku ngrihej objekti.
Mësohet se leja për ndërtimin e pallatit është dhënë në 2006, por firma e ndërtimit nuk përfundoi objektin.
Nga raportimet Papuçi kishte rinovuar lejen me vendime Gjykate, të cilat duket se nuk janë marrë parasysh.
Lexo edhe:
Arrestimi i shefes së IMT Sarandë, a doli bllof Policia? Dokumentet zbardhin një tjetër variant
