Për të tentuar driblimin e kundërshtarit në fushë nevojiten shumë aftësi: cilësi teknike, shpejtësi dhe personalitet. Lojtarët të cilët kërkojnë shpesh duelet një për një për të kaluar kundërshtarët janë lojtarët më të kërkuar në merkaton e futbollit dhe janë ata që arrijnë të zgjidhin momentet e vështira të ndeshjeve.
Sipas vëzhgimit të bërë nga Departamenti i Analizës, Inovacionit dhe Skautizmit në FSHF, është gjithmonë më e rëndësishme të fitosh duelet sesa t’i kërkosh ato, por kushdo që provon të driblojë shumë herë kundërshtarët është sigurisht një futbollist tek i cili skuadra beson për të bërë diferencën në fushë.
