Ndryshe nga herët e tjera ku ishte serioz dhe i karikuar për ndeshjet e radhës, Antonio Conte ishte shumë i relaksuar në vigjilje të ndeshjes ndaj Burnley.
Trajneri italian dukej i qeshur pas fitores ndaj Man. City në shtëpinë e këtyre të fundit dhe kjo u pa edhe në konferencën për shtyp të tij ku nuk munguan batuat dhe gallatat me gazetarët e pranishëm.
I pyetur nga këta të fundit sesa e rëndësishme është të kesh lojtarë ekspertë si Hugo Lloris dhe Harry Kane, trajneri italian goditi me një shprehje të Dr. Sportiv, Corvino që i bëri të gjithë të qeshin në sallën e konferencës.
“Është një Dr. Sportiv, miku im, Pantaleo Corvino i cili thotë gjithmonë se mund të gabosh duke zgjedhur gruan por nuk mund të gabosh me portierin dhe sulmuesin. Për mua ky është citimi më i mirë për të kuptuar futbollin”, u shpreh Conte ndërkohë që gazetarët qeshnin me fjalët e tij./Ora News/.
