Komisioni Hetimor parlamentar për Inceneratorët ka rinisur punimet me vazhdimin e pyetjeve të dëshmitarëve, ku tani me pyetjet e deputetëvepo përballet Sekretari i Përgjithshëm i Këshillit të Ministrave, Engjëll Agaçi.
Ai u pyet nga deputetja Jorida Tabaku, lidhur me financimin paraprak të inceneratorëve, ndërsa Agaçi iu referua VKM përkatëse, që sipas tij është miratuar pa kundërshtime, dhe lexoi dy pikat e vendimit. Ai tha se bazuar në ligj nuk ka asnjë kompetencë lidhur me koncensionet apo PPP-të.
I pyetur nëse ka pasur informacione lidhur me përgatitjen e draftit ligjor, ai dha sqarime mbi procedurën e pr/vendimit, përgatitjen e relacioneve dhe modaliteteve.
Agaçi tha se qeveria nuk ka miratuar kurrë një vendim që të përcaktojë fitusin e kontratës së inceneratorëve. Sipas tij, kanë qenë institucione të tjera që kanë përzgjedhur fituesin dhe qeveria më pas ka miratuar një vendim, ku miratohet mbështetja për vijimin e një kontrate të tillë nga Ministria e Mjedisit.
“Dua të sqaroj përfundimisht atë që rezulton në shkresa dhe në akte. Është thënë pafundësisht se në lidhje me një vendim sipas të cilit Këshilli i MInistrave ka miratuar një vendim për autorizimin e procedurës. Ky fakt nuk është i vërtetë”, tha Agaçi duke theksuar se Sekretari i Përgjithshëm i Këshillit të Ministrave nuk ka asnjë kompetencë mbi ligjin e koncensioneve apo të prokurimeve publike.
Ndërkohë që fliste Agaçi, ndërhyri Tabaku duke kërkuar që ai të fokusohej në pyetjet që i bëheshin.
“Unë nuk jam politikan. Është hera e parë që më jepet kjo mundësi të shpjegoj gjërat. Ajo që ka më shumë rendësi për këtë komision hetimor është fakti që Këshilli i Ministrave nuk ka miratuar kurrë një vendim që ju i referoheni”, tha ai duke theksuar se vendimet e Qeverisë kanë një procedurë që rregllohen nga ligji organik për funksionimin e Këshillit të Ministrave dhe dhe publikohen në Fletoren Zyrtare.
Kushdo mund ta verifikojë që kjo është e pavërtetë”, tha ai.
