Sekretari i Përgjithshëm i Këshillit të Ministrave, Ëngjëll Agaçi deklaroi se ish-ministri i Financave, Arben Ahmetaj nuk ka lobuar kurrë me të për inceneratorin e Elbasanit dhe asnjë kontratë tjetër.
Deklarata u bë sot para Komisionit Hetimor për Inceneratorët.
PJESE NGA DESHMIA
Tabaku: A ka ardhur ndonjëherë zoti Ahmetaj që të lobojë të ju për këtë kontratë koncensionare apo të tjera kontrata?
Agaçi: Asnjëherë!
Bushati: Ju këtu ju paraprinë fama juaj dhe posti i Sekretarit të Përgjithshëm të kryeministrisë Duke iu referuar zotit Ahmetaj, keni një të përbashkët, ai e quajti veten garant në financa dhe ju e quani veten ‘garant’ për kryeministrit. A jeni hju garanti ligjor i ligjeve që kalojnë në VKM?
Agaçi: Se kuptova pyetjen. Të saktësojmë, te kryeministri nuk hyjnë urdhra. Kushtetuta dhe ligji parashikon në ato raste kompetencat, i cili duhet të nxjerrë në urdhër për një çështje të caktuar dhe departamenti ligjor i kryeministrit është në funksion të Këshillit të ministrave.
Bushati: Gjatë fjalës suaj iu referuar nenit 9 të 2003. Keni harruar p as pikës E, është dhe pika 2 ku thuhet se; i delegohen disa kompetenca nga kryeministri…
Agaçi: kam 9 vite që ushtroj këtë profesion. Sot kam ardhur i përgatitur padyshim për objektin e këtij komisioni. nëse ju keni interes nëse ka ndonjë urdhër, të kryeministrit për të deleguar çështje specifike për sekretarin e përgjithshëm, më jepni kohën e duhur që të gjejmë gjithçka në arkiva, në këto 9 vite. Detyrat e sekretarit të përgjithshëm është e përcaktuar nga Kushtetuta.
Bushati: Pyetja ime ka lidhje me faktin se ju koordinoni punën në të gjitha ministritë. Çdo pyetje që bëhet bi procedurat, ju jenu në dijeni dhe keni qenë në dijeni.
Jam duke iu përgjigjur të gjitha pyetjeve dhe nuk është e nevojshme…Nuk kam ndërhyrë.. është momenti që të jap përgjigjen.
