Ish-ministri i Financave, Shkëlqim Cani ishte i pranishëm këtë të Hënë komisionin hetimor për inceneratorët, ku tha se ka refuzuar procedurat e ndjekura për ndërtimin e inceneratorëve të Elbasanit dhe Fierit, pasi kishin mospërputhje me ligjin.
“Se pari, ne thamë qe ne materialin qe ju keni paraqitur, relacionin nuk jepet argumenti financiar. I themi qe ju nuk jeni bazuar ne ligj lidhur me koncesionet dhe prokurimet publike. Ky projektvendim ne dijeninë time nuk eshte miratuar. Sa i takon financimit, koha ecte ose do behej ose nuk do behej. Ishte emergjence, mbledhja e mbeturinave. Kjo mbase ka sjelle qe gjerat te përshpejtoheshin. Sepse po te kalohej buxheti dhe nuk do kishte reagim, do hynte ne fuqi pas buxhetit dhe rutina merrte kohen e vet. Ministria e Financave ka marre ate projektvendim, e ka refuzuar për tre arsye. E treta, arsyeja financiare dhe përmbushja e detyrimeve nga kompania. Kërkonim qe te dyja palët te ishin ne gjendje qe te përmbushini detyrimet. Që të përfshihej ose jo, duhej që qeveria të angazhohej sepse buxheti është një akt madhor sepse aty vendoset politika ekonomike për vitin e ardhshëm dhe afatmesëm. Lidhur me atë që ju thoni se me VKM është miratuar kjo procedurë e veçantë. Këtë nuk e di. Sepse ministria e Financave ka qenë kundër që të vendoset procedurë tjetër. Unë, në dijeninë time, besoj se jam i sigurt që nuk ka VKM që të miratojë këtë procedurë jashtë ligjit”, tha ish-ministri.
“Edhe për Fierin, ishin dokumentet e paplotësuara, ne kërkonim plotësimin e dokumenteve”, shtoi ai.
Cani tha po ashtu se ka kërkuar që inceneratori i Elbasanit të vihej fillimisht në punë dhe më pas të bëheshin pagesat, gjë e cila nuk u bë.
Lexo edhe:
Cani për Lefter Kokën: E kam bezdi t’i bie një njeriu që është shtrirë në tokë
Dha dorëheqjen për të mos penguar inceneratorët? Ja si përgjigjet ish-ministri Shkëlqim Cani
