Kryeministri i Britanisë së Madhe, Boris Johnson, ka bërë një deklaratë bombë lidhur me tensionet në Ukrainë, ku Rusia ka nisur sulmet e para.
Kryeministri Johnson ka deklaruar për “BBC” se Rusia po planifikon “luftën më të madhe në Evropë që nga viti 1945”.
“Të gjitha shenjat janë se plani tashmë në disa kuptime ka filluar”, ka deklaruar ai për BBC.
Inteligjenca sugjeron se Rusia synon të nisë një pushtim, që do të rrethojë kryeqytetin ukrainas, Kiev, deklaroi Johnson.
“Njerëzit duhet të kuptojnë koston e madhe në jetën njerëzore që mund të sjellë”, u shpreh ai.
