Të tjera fakte dhe prova janë publikuar nga anëtarët demokratë të Komisionit Hetimor Parlamentar për inceneratorët lidhur me atë që konsiderohet si afera më e madhe korruptive e viteve të fundit.
Në faktet e publikuara, shihet se si Klodian Zoto pagoi veten me dy kompanitë e tij 23 Milionë Euro për punë që nuk janë kryer.
“Kanë marrë 20 milionë euro paradhënie deri në vitin 2019 kur nuk kanë punuar.
Inceneratori i Fierit ka marrë kredi me garanci sovrane 69 milion leke për paga te cilaj paguheshin me parate e buxhetit te shtetit
Administratorit të Fierit thotë se nuk e mban mend se si i ka paguar 23 milionë euro po nga librat e Drejtorisë së Tatimeve, 23 milionë euro i ka marrë po Klodian Zoto”, thuhet në njoftimin e publikuar në faqen zyrtare të PD në rrjetin social.
Në vijim, thuhet se Kompania BCG, ne pronësi të Sevi Zani, punonjëse në inceneratorin e Tiranës dhe Elbasanit ka bërë ofertën e pakërkuar për inceneratorin e më pas ia shet kompaninë Klodian Zotos.
Pjesë e garës ishte edhe kompania italiane “Energy Recuperator”, një javë pasi fitohet koncesioni prej 28 milion eurosh, shet aksionet me një vlerë prej 200 eurosh.
Mes fakteve të publikuara, është edhe ai se administratori i inceneratorit të Fierit Loran Dusha, ka qenë punonjës dhe përfaqësues ligjor i Kompanisë “HermesCommunication” ku ka qenë aksioner Ministri i z. Arben Ahmetaj.
Kompania koncesionare ka ndryshuar 3 herë vend ndërtimin e inceneretorit
Zyrat e Regjistrimit të Pasurive të Paluajtshme Fier i vendos në dispozicion 10 troje publike. Armando Subashi zgjedh të vetmin truall i cili është privat, të cilën e shpronëson me çmim dyfish: 460 mln lekë
“Klodian Zoto, Mirel Mertiri dhe Stela Gugallja vetë bëjnë abuzimin me buxhetin e shtetit, vetë miratojnë bilancet, vetë i çojnë faturat, vete bejne auditim dhe askush në qeveri, nuk mban përgjegjësi
Janë paguar 23 milionë euro për incenerotorin e Fierit dhe askush nuk e di ku kanë shkuar”, thuhet në njoftimin e publikuar.
