Jose Mourinho vazhdon të japë shfaqje në futbollin italian me atë që dhuron ai në pankinë. Reagimet e tij sot i kanë kushtuar një karton të kuq, ndërsa spektakli i tij personal ka vazhduar edhe pas sfidës.
Trajneri rishet shumë nervoz në pankinë gjatë sfidës që skuadra e tij barazoi 2-2 ndaj Veronës, duke u ankuar shposh për vonesat e lojës nga ekipi vendas. Pas protestave të njëpasnjëshme, ai vendosi të shkelmonte një top në tribunë, ndërsa më pas iu drejtua gjyqtarit Paireto duke i bërë me dorë shenjën e telefonit.
Gjyqtari i nxori kartonin e kuq dhe Mourinho shpërtheu edhe me keq ndaj tij, me pjesëtarët e stafit që e mbajtën nga krahët për të mos hyrë në fushë. Portugezi më pas vrapoi dhe përshëndeti Tudor, para se të shkonte në dhomat e zhveshjeve.
Pas sfidës, të gjithë pritnin shpjegimet e trajnerit, por ky i fundit nuk pranoi të fliste për gazetarët. “Jo, jo, Mourinho nuk vjen. Mourinho po shkon në shtëpi”, ishin fjalët e tij para gazetarëve, teksa largohej nga stadiumi.
