Në ditën e parë zyratre të fushatës elektorale, Lulzim Basha ishte në Shkodër, ku prezantoi kandidatin Xhemal Bushati për zhjedhjet e pjesshme lokale të 6 Marsit.
Basha tha se Xhemal Bushati është kandidati më i mirë për Shkodrën, ndërsa shtoi se Shkodrës i duhet një kryebashkiak, jo me dashni për vete, por me dashni për Shkodrën dhe shkodranët.
“A doni një Shkodër me kryebashkiak të kontrolluar nga Edi Rama dhe Tom Doshi? Doni një kryebashkiak, i cili vendos në bashkinë e Shkodrës, modelin e Edi Ramës dhe Tom Doshit? A doni një kryebashkiak, i cili ta vendosë Shkodrën në funksion të agjendave personale dhe pazareve personale të Edi Ramës dhe Tom Doshit? Atëherë votoni partinë demokratike! Votoni Xhemal Bushatin! Shkodra asht dashni! Shkodrës i duhet një kryebashkiak, i cili ka dashni e dhembshuri për qytetarët e vet dhe që ka forcë e drejtësi, për të luftuar, për çdo banor të bashkisë së Shkodrës“, tha Basha.
Xhemal Bushati tha se “Me dashni për Shkodrën dhe me përkushtim për ju” – nuk është thjesht një slogan, por “është guri i themelit, mbi të cilin do të ngremë së bashku të ardhmen e këtij qyteti që na përket të gjithëve”.
Ai shpalosi më tej dhe programin e tij elektoral.
“Në këtë moment përcaktues për Shkodrën , vizioni im për të ndryshuar dhe zhvilluar këtë qytet bazohet në një plan konkret, me objektiva të qarta, të matshme dhe të realizueshme. Ky vizion, megjithë kohën e shkurtër, është hartuar mbi tre objektiva qëndorë: Emergjencë/ Shërbejmë sot/ Projektojmë për nesër”, tha Bushati.
