Pas pëlqimit nga Parlamenit, ish-deputetja socialistja Eglantina Gjermeni pritet të marrë edhe firmën e Presidentit Ilir Meta për të përfaqësuar Shqipërinë në misionin e OSBE-së.
Por Ministrja e Jashtme, fillimisht ka tentuar ta përjashtojë Parlamentin nga kjo procedurë, duke e çuar emrin e Gjermenit vetëm në zyrën e Kreut të Shtetit.
Ka qenë Presidenca ajo që ka kërkuar që emërimi i Ambasadores së re në OSBE të kalojë fillimisht në Parlament për të marrë pëlqimin e tij dhe më pas të dekretohet nga Ilir Meta.
Deputeti demokrati, ish-ministri i Jashtëm Tritan Shehu në Komisionin e Jashtëm ka vlerësuar figurën e ish-deputetes socialiste, por ka kritikuar Olta Xhaçkën për politikën e Jashtme të vendit tonë.
“Ju me politikat tuaja keni që bërë që sot nga 50 ambasadorë që ka Shqipëria, 25-30 janë jashtë mandatit të tyre. Keni 8 vjet që nuk keni ambasador në selinë e shenjtë, skandal i madh ky.”
Eglantina Gjermeni pritet të zëvendësojë Igli Hasanin për të përfaqësuar Shqipërinë në misionin e OSBE-së.
/Ora News/
