“Uroj që askush të mos vij në vendin tim. Është gjynah nga Zoti. Dinjiteti nuk blihet.”-tha një grua e moshuar me lot në sy, teksa rrëfente për një emision televiziv grek se ka vjedhur pak djathë dhe mish nga një supermarket.
E moshuara u vu re nga menaxheri i supermarketit i cili lajmëroi menjëherë policinë.
Pas kësaj, ajo përfundoi në komisariat mirëpo edhe policët u përkulën kur dëgjuan historinë e saj.
Historia e së moshuarës, e cila humbi burrin dhe djalin e saj në një aksident automobilistik dhe nuk mund të shlyejë kredinë familjare ka prekur policët dhe jo vetëm.
Ajo tani ndjen se ka humbur dinjitetin e saj, diçka që nuk mund ta durojë.
“Nuk do të ha më mish në jetën time. Ja premtova vetes, nuk i rezistova dot tundimit. I kërkoj falje supermarketit”-tha ajo.
70-vjeçarja shtoi se u pendua në momentin që mori ushqimin dhe e futi në çantë, por pati frikë ta kthejë për shkak se mund ta shikonte dikush.
Nga ana tjetër, sipas mediave greke kompania ka tërhequr padinë.
