Problemet e hasura gjatë muajve të fundit nxorën sot në protestë taksistët e Elbasanit.
Problematika kryesore lidhet me faktin se ata janë të detyruar që kur transportojnë pasagjerë në Tiranë të kthehen bosh.
Sipas tyre ky urdhër i Bashkisë vlen vetëm për Tiranën dhe kjo i penalizon ata.
Shqetësimi tjetër lidhet me çmimin e karburantit.
“Do e mbyllim të gjithë se është e pamundur”, tha një prej protestuesve.
“Kam 8 vite që punoj taksi, tani jam drejt mbylljes. Probleme kemi dhe me taksitë e fshatrave. Punojnë në qytet që nuk u lejohet. Asnjë nuk dëgjon hallet e taksixhinjve, jemi të mbaruar. Të licencuar në Elbasan mund të jenë 100 taksi, të palicensuar 300, autoritetet i kanë të gjithë informacionet, targat dhe nuk veprojnë. Kthimi pa pasagjerë nga Tirana na penalizon. Një invalid për të shkuar në Tiranë duhet të marrë dy taksi. Kam marrë dy herë gjoba nga bashkia e Tiranës. Polici i bashkisë më ka treguar te TEG-u të zbres nga makina një invalid”, u shpreh një tjetër.
