Jorida Tabaku, kryetare e Komisionit Hetimor për Inceneratorët, tha në mbledhjen e sotme se administratores së Inceneratorit të Tiranës i janë dërguar njoftimet, por ajo nuk është paraqitur.
“Uroj që mos na zhduket si tre personat e shpallur në kërkim, Mirel Mërtiri, Klodian Zoto dhe Stela Gugallja”, tha Tabaku.
Ajo u shpreh se posta e Kuvendit ka shkuar te inceneratori i Tiranës, por roja i objektit ka thënë se nuk ka asnjë punonjës në objekt.
Tabaku u shpreh se kishin tentuar t´a njoftojnë edhe përmes telefonit administratoren, por nuk ishte përgjigjur.
Deklarata e Tabakut
Diskutuam sot në mëngjes për praninë e znj.Ariola Kodra. E pritëm në mëngjes, nuk erdhi. E ftuam në orën 15:00. Stafi i Kuvendit dhe posta e posaçme e Kuvendit shkuan në inceneratorin e Tiranës i cili është i mbyllur. Punonjësi ka mbyllur derën dhe tha që nuk ndodhen asnjë nga stafi i inceneratorit i pranishëm në kantier.
I kemi nisur një kërkesë tjetër me postën speciale znj.Ariola Kodra. E kemi marrë disa herë në telefon. Do ta ripërsërisim kërkesën tonë që ajo të jetë këtu pjesë.
Ndërkohë që na ka sjellë një pjesë të informacionit që kërkuam ditën e premte. I bëjmë thirrje znj.Ariola Kodra, punonjësve të inceneratorit të Tiranës të hapin derën, të pranojnë shkresën e Kuvendit, janë letra zyrtare të shtetit shqiptar. Ju lutem merrni njoftimin për të ardhur për të dëshmuar!
