Në mes të tensioneve në rritje, Rusia ka dëbuar zëvendësambasadorin amerikan në Moskë, raporton BBC.
Ende nuk është bërë e qartë arsyeja se pse Moska ka dëbuar diplomatin amerikan, Bart Gorman, ndërkohë që pritet reagimi i SHBA-së për veprimin e Moskës.
Gjithashtu sekretari amerikan i Mbrojtjes Lloyd Austin pretendon se Rusia ka vendosur trupa të tjerë pranë kufirit të Ukrainës dhe ka dërguar furnizime me gjak.
“Unë kam qenë vetë një ushtar jo shumë kohë më parë. E di që këto lloj veprimesh nuk bëhen pa asnjë arsye”, komentoi Austin.
