Është miratuar ditën e sotme në Kuvend lista me 6 anëtarët e rinj të Autoritetit të mediave Audiovizive në Shqipëri.
Kryetarja e Kuvendit Lindita Nikolla lexoi emrat të cilët janë: Joana Allushi, Aurela Bicja, Jetmir Halilaj, Gjergj Hamiti, Desada Metaj dhe Besjan Zogaj.
Mësohet se me Gjergj Hamiti është votuar me 92 vota pro.
Po ashtu, Aurela Bicja është votuar me 99 vota pro, Besjan Zogaj ka marrë 101 vota, 99 Desada Metaj, 101 vota Jetmir Halilaj dhe 118 vota Joana Allushi.
Pjesë nga Kuvendi:
Nikolla: Anëtarët e AMA: Joana Allushi, zgjidhet; Aurela Bicja, zgjidhet; Jetmir Halilaj, zgjidhet; Gjergj Hamiti, zgjidhet; Desada Metaj, zgjidhet; Besjan Zogaj, zgjidhet.
Lindita Nikolla: Mirela Bogdani dhe Yllka Rupa, nuk zgjidhen, nuk miratohet lista në bllok, çështja rikthehet në nën komision “Për përzgjedhjen e kandidatëve për anëtarë të Këshillit të Lartë Gjyqësor dhe Këshillit të Lartë të Prokurorisë nga trupa e pedagogëve të fakulteteve të drejtësisë dhe të shkollës së Magjistraturës”
