Ish-Kryeministri Sali Berisha ka zhvendosur fushatën për zgjedhjet e pjesshme vendore të 6 marsit në Bashkinë e Lushnjes, atje ku në siglën e koalicionit “Shtëpia e Lirisë” kandidon Elton Bano.
Berisha do të zhvillojë dy takime elektorale në Bashkinë e Lushnjes në orët e pasdites. Fillimisht Berisha do të jetë në Njësinë Administrative Bubullimë, ku në orën 16:30 do të takohet me banorët e zonës, në mbështetje të kandidatit Bano.
Takimin e dytë, ish-Kryeministri e ka me banorët e Cukas, në Njësinë Administrative Allkaj, takim që do të mbahet në orën 18:00.
Berisha është angazhuar në fushatën e kandidatëve për kryebashkiakë në 6 njësitë vendore, ku në 6 mars do të votohet për qytetarët e parë të tyre.
Vëmendjen më të madhe deri më tani, Berisha e ka pasur në Bashkitë e Shkodrës dhe Durrësit, ku në emër të koalicionit “Shtëpia e Lirisë” kandidojnë Bardh Spahia dhe Ardian Muka.
