Berat Gjimshiti ka qenë protagonisti absolut i ndeshjes së sotme të Atalantës ndaj Olimpiakos në Ligën e Europës.
Mbrojtësi kuqezi shënoi në minuta 61 dhe 63 të ndeshjes duke përmbysur rezultatin nga 0-1 në 2-1, duke i dhënë kështu fitoren ekipit italian.
Goli i parë ishte një gjuajtje me kokë e tij pas zhvillimit të një goditje nga këndim, duke barazuar shifrat e duelit.
Ndërsa goli i dytë erdhi përsëri nga një goditje këndi, por këtë radhë i finalizuar me gjuajtjen me të djathtë të mbrojtësit kuqezi pasi topi kishte mbetur në zonë.
