Një helikopter “Blackhawk” i ushtrisë amerikane ka fluturuar në kufirin Poloni – Ukrainë për të marrë disa pasagjerë.
Helikopteri i tipit “UH-60M” me numër bishti “20-21131”, u vu re për herë të parë duke fluturuar në lindje nga aeroporti Mielec në Poloni pak para mesnatës me orën lokale të së martës. Ai u ul pranë pikës kufitare Korczowa-Krakovets, ku u prit nga një fuoristradë e zezë.
Thuhet se disa persona dolën nga automjeti dhe hipën në helikopter, i cili më pas u ngrit dhe u nis drejt perëndimit. Destinacioni i tij ishte një spital në Rzeszoë-Jasionka, Poloni ku mbërriti pak pas mesnate me orën lokale.
Sipas bisedave të kontrollit të trafikut në radio, ishte një mision evakuimi mjekësor. Identiteti i pasagjerëve apo pacientit nuk u bë i ditur. Fluturimi i evakuimit në mesnatë vjen pasi presidenti amerikan Joe Biden konfirmoi se ai kishte urdhëruar ambasadën amerikane në Ukrainë që të zhvendosej “përkohësisht” nga Kievi në Lviv, afër kufirit polak, për shkak të frikës së një “pushtimi” të supozuar nga Rusia.
Looks like a U.S. Army UH-60, call-sign EVAC01 was possibly on the ground in Poland near the Polish – Ukraine Border. I recorded video of it's departure from the Polish Border Service live cam at Korczowa: pic.twitter.com/lCC0tM41yq
— Brad Howard (@BradHowardNYC) February 15, 2022
