Kryetarja e Komisionit Hetimor parlamentar për Inceneratorët, Jorida Tabaku, duke iu drejtuar anëtarëve të PS, tha se po bllokoni Komisionin Hetimor.
“Kushdo që do të pengojë punën do të përgatisim një kallëzim të veçantë. Refuzimi për të dëshmuar do të çojë në një analizë të mirëfilltë ligjore”, paralajmëroi Tabaku.
Në vijim, ajo tha se besoj që jemi gati për të vazhduar më dëshmitë, pritëm që të konsultohemi me dosjen hetimore të një komisioni tjetër hetimor, dhe ashtu siç u konfirmua gjatë kohës së pushimit ka pasur një dëshmi.
“Ne aritëm të nxjerrim të gjithë rekordet e medias dhe sekretarët më thonë që me datën 3.2.2011 në orën 18:00 është thirrur zoti Ndrea Prendi për të dëshmuar përballë një komisoni hetimor dhe ka dhënë dëshminë e tij megjithëse ka qenë një person i paditur atëhere.
Kështu që unë sygjeroj që ne të vazhdojmë me dëshminë e zonjës. Kushdo që do të pengojë punën e këtij komisioni do të përgatisim një kallëzim të veçantë, njësoj si të jetë një organ procedural i veçantë hetimor, refuzimi për të dëshmuar do të çojë në një analizë të mirëfilltë ligjore nga na jonë, që subjekti refuzon të bashkëpunojë me komisionin hetimor që subjekti shkel ligjin dhe kushtetutën dhe duke e vendosur atë përballë një përgjegjësie tjetër.
Ju lutem kolegë, të dalim mbi forcat politike që ne përfaqësojmë, të dalim mbi interesin politik të forcave politike dhe të lemë qytetarët të dëgjojnë çfarë ka ndodhur me aferën korruptive të inceneratorëve. Janë 430 milion euro që ne duhet të hedhim dritë, të bëjmë transparencë, këtë detyrë kemi si ligjvënës. Mos u bëni pengesë dhe më lejoni me pyetjet për zonjën Sabina Cenameri e cila është e gatshme të kryej detyrën e saj”, tha Tabaku.
