Jorida Tabaku ka bërë një deklaratë dhe ka akuzuar mazhorancën se ka favorizuar kompani që nuk kanë asnjë ditë eksperiencë.
“Sot zbuluam që institucione zyrtare shtetërore i lanë duart dhe thanë se nuk janë të përfshirë dhe nuk janë lajmëruar. Si ka mundësi që janë lënë pa përfshirë institucionet e tjera? Ne sot dëgjuam disa pohime shumë të rëndësishme nga kryetari i bashkisë së Elbasanit dhe të tjerëve. Këtu nuk bëhet fjalë për incenerimin si alternativë por pse u vendos që në Shqipëri të ndërtoheshin këta inceneratorë kur nuk mjaftojnë?
Pse u vendos t’i jepej kësaj kompanie ky proces incenerimi kur nuk kishte asnjë ditë eksperiencë?
Janë tenderuar para që nuk ekzsistojnë. Ne u kemi dhënë përgjigjie këtyre pyetjeve dhe jemi të angazhuar ta çojmë deri në fund këtë procedurë. Ministrat përgjegjës dhe stafi i tyre duhet të jenë të gjithë para drejtësisë sepse kanë paguar para nga buxheti i shtetit për dicka që nuk ekziston.
Unë u kërkoj qytetarëve vetëm pak durim. Të gjithë do shohin sesi është kryer kjo aferë korruptive. Janë thirrur në zyra shumë zyrtarë shtetesh të cilët të gjithë janë të frikësuar për këtë aferë të jashtëzakonshme korruptive. Jemi në pritje të marrjes në përgjigjie të administratorit të inceneratorit të Fierit.”
