Një ditë më parë e paralajmëroi Sali Berisha se kreu i Policisë së Lezhës do të vinte në krye të Forcave Operacionale.
Ndërkohë sot emërimi i Oltion Bistrit në krye të Forcave Operacionale është bërë fakt i kryer.
Gledis Nano, si drejtor i Përgjithshëm i Policisë së Shtetit, sot ka emëruar Oltion Bistrin si drejtor i forcave operacionale në Drejtorinë e Përgjithshme të Policisë së Shtetit.
Bistri zëvendëson në këtë post Bujar Ahmetin i cili është transferuar në krye të Drejtorisë për Mbrojtjen e Dëshmitarëve.
Bistri ka mbajtur një sërë postesh në qarqe të ndryshme të vendit duke nisur nga Tirana ku ka qenë shef në Komisariatin numër 2 më pas drejtor në Durrës dhe së fundmi në Lezhë.
