Katër persona janë arrestuar në Britaninë e Madhe pasi ishin pjesë e një grupi që trafikonte emigrantë shqiptarë.
Sipas BBC, nga policia u arrestuan dy gra dhe dy burra, nga mosha 22 deri në 34 vjeç. Shtatë persona, pjesë e këtij rrjeti, u arrestuan në korrik të vitit të shkuar.
Policia beson se grupi i krimit të organizuar përdorte kamionë dhe furgonë për të transportuar emigrantët nga veriu i Francës drejt Anglisë.
Emigrantët mendohet se paguanin mbi 25 mijë sterlina për të hyrë në Britani.
Grupi kishte kontakte në Francë, Gjermani, Holandë dhe Poloni.
