Shpëtim Duro ka analizuar këtë javë që sapo u mbyll në kampionatin shqiptar në studion e “Sport News” në “News 24”.
Duke pasur parasyshim zhvillimet në kampionatin shqiptar pas 20 javëve të luajtura, Duro quan Tiranën favoriten absolute për të fituar titullin.
“Tirana nuk ishte e rrezikshme si me Seferin, sepse u pa shumë qartë që ishte shumë racionale si skuadër, nuk krijoi shumë raste dhe me Seferin patjetër do të ishte skuadër shumë, shumë më e rrezikshme. Por edhe pa të e tregoi që është skuadër që po shkon drejt titullit, është skuadër shumë e stabilizuar në formacion, është një ekip me mesfushë ku plotësojnë shumë mirë njëri-tjetrin, është skuadër shumë e pjekur. Kështu janë skuadrat që kërkojnë të fitojë titullin, me skuadrat që janë më poshtë në tabelë duket qartësisht që i zgjidh lehtësisht. Duke fituar lehtësisht, fiton besim për të ardhmen se me kundërshtarët direkt, kur luan, me diferencën që ka mendon edhe për barazimin për shkak të saj. Seferi e them që është forca kryesore e Tiranës por ka të gjithë repartet shumë të stabilizuara dhe po luajnë jashtëzakonisht mirë. Mbrojtja, mesfusha, është mesfushë që organizon dhe shfaqet duke shënuar. Xhixha me Seferin janë lojtarë që duke krijuar hapësira nga mesi i fushës e bëjnë më të rrezikshme përpara.
Laçi? Lushkja është histori e mbyllur, janë gjëra që do të ndodhin në kampionat. Pavarësisht rëndësisë që ka pasur Lushkja, Laçi ka qenë skuadër e stabilizuar, janë gjëra që ndodhin. Kam mendimin që Laçi nuk duhet të gabojë në këto momente, por të shkojë mirë se ndryshe diferenca rritet. Nëse Tirana fiton edhe me Kastriotin, me këto kundërshtarë direkt luan edhe për barazimin. Se Kukësi apo akoma më keq Vllaznia, janë shumë larg. Tiranën e shoh serioze në luftë për titull, është përballje e rëndësishme këtë javë. Nëse Laçi kalon Kukësin, patjetër do të jetë serioz për ndjekjen.
Laçi është një skuadër që në ndeshjet e fundit nuk ka luajtur aq mirë sa ndeshjet më para, është më racionale, kompakte, e ekuilibruar në dy fazat e lojës. Këto janë skuadra që kanë disa ndeshje që nuk pësojnë, me një rezultat 1-0 marrin pikët. E shoh si një ndeshje interesante me Kukësin se janë edhe rivalë direkt, një Kukës që pas atij fillimi të keq, ka arritur të fitojë dy ndeshje, por ka fituar me dy kundërshtarë që janë poshtë në klasifikim. Kukësi duhet të tregojë me Laçin që është rival direkt, kjo do të jetë shumë e rëndësishme si ndeshje për pjesën e sipërme te klasifikimit.
Unë e përsëris gjithmonë për Vllazninë që e konsideroja në mënyrë absolute në vend të parë. Kjo është arsyeja pse është 13 pikë larg Tiranës. Pasqyra është ndeshja e të dielës me Teutën, ka oshilacione të jashtëzakonshme nga ndeshja në ndeshje, por edhe brenda lojës. Është spektakolare në veprimet sulmuese se të kesh lojtarë si Latifi, Da Silva e Gjogjeviç që kanë fantazi, veprimet sulmuese janë të padiskutueshme. Por është një pjesë shumë e mirë në sulm dhe një pjesë shumë e keqe me golat e pësuar. Shoh një Teutë që është jashtë fizionomisë së saj, të ishte ndonjë tjetër do ta ndëshkonte më shumë Vllazninë. Këto janë oshilacionet që kanë bërë që Vllaznia të jetë kaq shumë larg Tiranës. Që prodhon lojë është mëse e dukshme, por nuk është kjo formula e duhur për të fituar kampionatin.
Partizani ka pasur kundërshtarë të lehtë në letër në pjesën e poshtme të klasifikimit, duhet të tregojë forcën. Partizani është i qetë kurse Vllazninë e mundon pjesa e sipërme për titullin, e shoh si ndeshje për të ballafaquar forcat Vllaznia dhe Partizanin. Nëse fiton Vllaznia, do të jetë përsëri në garë, por jo për titull kampion, aspak nuk e llogaris se duhet që Tirana të humbasë të gjitha, por të vendi i dytë e tretë, mund të jetë aty.
Tani rrezikojnë të gjithë anë fund, bashkë me Teutën. Për të kam thënë me keqardhje shumë kohë më parë se duhet të jetë shumë e kujdesshme se dridhen këmbët tani. Mund të humbësh por mënyra e interpretimit të gjërave në fushë është larg asaj të sezonit të kaluar. Janë ekipe me traditë, e shoh me përqindje të barabarta me Dinamon në këtë ndeshje, edhe nga organizimi, edhe nga organika, edhe nga mënyra e lojës, e shoh të barabartë. Do të jetë shumë më e rëndësishme fitorja e njërës dhe tjetrës. Se nga këto situata janë te zona e ftohtë e Kategorisë Superiore.
