Një i ri është arrestuar nga policia e Tiranës pasi akuzohet se ka dhunuar të dashurën.
“Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit R.C., 23 vjeç, për veprën penale ‘Dhuna në familje’ dhe ‘Prodhimi, mbajtja, blerja apo shitja pa leje e armëve të ftohta’, pasi ka ushtruar dhunë ndaj të dashurës së tij”, njoftoi policia.
Gjatë kontrollit iu gjet dhe iu sekuestrua në cilësinë e provës materiale një mjet prerës (thikë), shtuan të njëjtat burime.
