Lulzim Basha dha votat për zgjatjen e afateve të institucioneve të Vetting në këmbim të ngritjes së dy Komisioneve Parlamentare, një për reformën territriale dhe tjetri për atë zgjedhore.
Madje, Basha deklaronte se këto dy reforma madhore janë me interes kombëtar dhe i shërbejnë opinionit publik.
Një ditë më parë, nga PD-ja e Lulzim Bashës u bë e ditur se ishte ngritur grupi i punës për Reformën Territoriale, por pa dhënë emra se kush bënte pjesë.
Deputetja Dhurata Çupi tha dje se grupi i punës do të zhvillojë takime me ekspertë dhe qytetarë në të gjithë vendin.
Mësohet se kryedemokrati Lulzim Basha ka caktuar drejtues politik të Reformës Territoriale Gazment Bardhin, ndërsa drejtues teknik, Roland Bejkon.
Anëtare do të jetë deputetja Dhurata Çupi dhe diskutohet për Bledion Nallbatin e Greta Bardhelin. Por skuadra përfundimtare nuk është caktuar ende. Ditën e enjte në seancën plenare pritet të miratohet edhe përbërja e komisioneve.
