Deputetët e opozitës në Komisionin Hetimor parlamentar për inceneratorët tha se në aferën 430 milionë euroshe përfshihet e gjithë Qeveria.
Sipas tyre, nga dëgjesat e ditës së parë konfirmohet përpara shqiptarëve vjedhja kriminale prej 430 milionë eurosh.
Ja çfarë u vërtetua në seancën e parë:
• Pagesat për inceneratorin e Tiranës kanë filluar 2 vjet para se të nisin punimet;
• Incenerimi nuk ka nisur, por prej 2018-ës qytetarët paguajnë 29 euro/ton;
• 850 mijë euro të faturuara për udhëtime në mes të pandemisë;
• 10 milionë lekë në muaj janë paguar për Edmond Bllako, babai i deputetit socialist Alqi Bllako;
• Klodian Zoto, Stela Gugallja dhe Mirel Mërtiri kanë përfituar pagesa të mëdha edhe nëpërmjet kompanive të tyre për konsulencë, në kundërshtim me ligjin;
• Administratori i incenerarorit të Fierit A. Myrtezani dëshmoi se nuk e ka marrë kurrë pagën e deklaruar në tatime prej 9 milionë lekë në muaj.
Jorida Tabaku, kryetare e Komisionit, tha se inceneratorët janë jo vetëm skema pastrimi parash por skemë e pastër piramidale pasi përfituesit e koncesionit nënkontraktojnë vetëveten për kryerje punimesh.
Konkretisht, sipas saj, kompania Zoto Consulting shpk, në pronësi të Klodian Zotos, ka përfituar si nënkontraktor për konsulencë ligjore.
Ajo tha se kompania Consulting SE Partners shpk, në pronësi të Stela Gugallja, ka përfituar për konsulencë financare.
