Shqiptarë dhe italianë janë përfshirë në një konflikt të dhunshëm në ambientet e brendshme të një lokali, i cili është mbyllur për 10 ditë, me urdhër të autoriteteve.
Në konflikt u përfshinë së paku 7 persona, shqiptarë dhe italianë, disa prej të cilëve me precedentë kriminalë.
Si pasojë e konfliktit një nga personat ka përfunduar në spital. Policia gjeti në vendin e ngjarjes karrige dhe tavolina të thyera
ngjarja ka ndodhur në ambientet e brendshme të lokalit “Le Monelle” në Busto Arsizio, mbrëmjen e 6 shkurtit.
Me të mbërritur në ambientet e lokalit, agjentët e komisariatit të Busto-s, së bashku me patrullat e karabinierëve dhe Guardia di Finanza-s që nxituan në ndihmë, kishin luftuar jo pak për të ndarë sherrxhinjtë, të cilët pavarësisht mbërritjes së makinave të policisë vazhduan të përballen me njëri-tjetrin duke rrahur dhe kërcënuar njëri-tjetrin.
Të shtatë u kallzuan për përleshje të rëndë.
Duke marrë parasysh peshën e asaj që ndodhi dhe duke parë që në të kaluarën disa klientë të restorantit kishin pësuar sulme dhe kërcënime, kuestori i Varese-s, Michele Morelli urdhëroi mbylljen e këtij lokali për dhjetë ditë.
