The “Sun” shkruan mbi arrestimin e “një ylli të Premier League”.
Mediat angleze zbuluan se në vitin 2019 lojtari në fjalë – të cilit nuk i përmendet emri– u arrestua pasi kishte sulmuar partneren e tij, ndërsa ajo thirri policinë.
Madje, ai dyshohet se i ka dërguar mesazhe fyese pas mesnate.
Megjithatë, sipas publikimit, të dyja palët duket se kanë arritur një marrëveshje jashtë gjykatës, me futbollistin që i ka paguar një shumë pesëshifrore ish-të dashurës së tij tashmë.
“Kjo është mjaft shqetësuese, veçanërisht pas akuzave ndaj Greenwood. Në këtë rast (s.s. zbulon “Sun”) futbollisti ka përdorur paratë e tij për t’u kërkuar avokatëve ta zgjidhin atë dhe ta mbajnë larg syrit të publikut.
U arrit marrëveshja dhe kjo praktikisht heshti vajzën në fjalë dhe ndërpreu procedurat gjyqësore. Megjithatë, pretendimet e saj ishin shumë serioze dhe përfshinin të paktën një akuzë për dhunë në familje, ka thënë burimi i futbollit për Sun”, ku mediat theksojnë se autoritetet policore kanë konfirmuar se kanë marrë thirrje për të ndërhyrë.
Dhe e gjithë kjo ndërkohë që futbolli anglez është shkatërruar nga zbulimet për Mason Greenwood, i cili u arrestua muajin e kaluar nën dyshimin për përdhunim, sulm dhe kërcënime me vdekje.
