Ish-Kryeministri Sali Berisha dhe anëtarë të Komisionit të Rithemelimit prezantojnë sot kandidatin e koalicionit “Shtëpia e Lirisë”, për bashkinë e Dibrës, Premtim Kryemadhi.
Takimi do të mbahet në orën 11:00 në Pallatin e Kulturës.
Deri më tani ish-Kryeministri ka prezantuar kandidatët për kryebashkiakë në bashkitë e Shkodrës, Durrësit, Lushnjes, Vorës dhe Rrogozhinës, ndërsa prezantimi i sotëm përmbyll fazën e parë të fushatës për zgjedhjet e pjesshme vendore të 6 marsit.
Koalicioni “Shtëpia e Lirisë” kandidon në 6 bashkitë me kandidatë që fituan primaret, ku anëtarësia e PD zgjodhi me votë, emrat që donin ti përfaqësonin në garën për kryebashkiakë.
