Arjola Demiri ka treguar detaje në lidhje me jetesën e saj brenda shtëpisë së “Big Brother Vip” dhe marrëdhënieve me banorët atje.
Ajo u ndal te raporti me balerinin, Ilir Shaqiri, të cilin sic tregoi ajo fillimisht e ka ngatërruar me këngëtarin nga Kosova, që mban të njetin emër ai ai.
“Iliri çdo mëngjes më ka përqafuar. Erdhi shumë natyrshëm. Në fillim e kam ngatërruar me atë këngëtarin. Dija diçka për të, por shumë pak. U bënë shumë vite që nuk shoh më TV, prej 12 vitesh, ndoshta më Beng Bang dhe Çufon.
Iliri më ka thënë në fillim, “sot e deri ditën e fundit me ty”. Dhe kur kam pasur debate, e kam ndaluar rreptësisht të më mbronte, i thosha se do bënte gabimin më të madh. I thosha nuk kam nevojë, edhe pse kisha shumë nevojë”, tha aktorja e dashur për publikun.
