Beatrix Ramosaj është mërzitur nga biseda e Ermalit me Donaldin në lidhje me Bora Zemanin.
Moderatorja Arbana Osmani ua komunikoi këtë banorëve mbrëmjen e djeshme, duke thënë se Beatrix ka refuzuar të futet në shtëpi për të darkuar pranë tyre.
Nisur nga kjo, Ermali ka reaguar me një video në rrjete sociale. Ai i ka dërguar një mesazh publik Beatrixës, ku i sqaron se e gjitha ka qenë në kuadrin e shakasë.
“Si ishte thënë ajo fjala? Ishte shaka! Tani po flas seriozisht, ky mesazh është për Trixën. Të kam shumë xhan dhe të njoh familjarisht. Më vjen shumë keq që qenke prekur deri në këtë pikë, të garantoj me 100% se ajo ishte një shaka shoqërore që unë ia lejova vetes meqë ne njihemi dhe familjarisht. Besoj je te njerëzit që hyjnë te miqtë e mirë, prandaj të lutem shumë, siç e pe dhe vetë as Donaldi dhe as banorët, brenda dhe jashtë shtëpisë, asnjë opinionist, përpos Arbanës që po bënte avokatin e djallit (se atë duhet të bëjë, të krijojë konflikt), asnjëri nuk mendonte se ajo ishte një shaka tendencioze, e tepruar. Ti më njeh mua, kemi ndenjur bashkë, unë nuk rri dot pa bërë një shaka. Këtë rast bëra një ngacmim, provokim si ato që bëj unë dhe kaq. Fakti që ti je lidhur me Donaldin, nuk do të thotë që ne të mos përmendim në prezencën e tij Borën sepse dhe ajo njeri është, shqiptare është dhe ka të drejtën e saj të ekzistojë. Megjithatë, të lutem shko sepse ai djalë besoj që ndjen diçka që u mërzit. Nuk ka faj. Shko bëje të lumtur! Nuk dua të jem unë shkak për këtë problem mes jush ose më saktë, bëni çfarë të doni, ndaç ndahu, po pas kësaj që bëra unë. Shko te djali dhe gjeni diçka tjetër për t’u ndarë”, është shprehur Ermali.
Kushërira e Beatrixës, Anxhelina, ka treguar arsyen e vërtetë të mërzitjes së ish-banores përmes një komenti të bërë në postimin video të Ermalit. Ajo ka zbuluar se gjëja që e ka mërzitur Beatrixën ishte ‘batuta e aktorit, Salsano Rrapi, me thika dhe vrasje dhe gjithashtu të qeshurat e banorëve të tjerë’.
“Ermal sepse sic e the dhe vet jemi miq, dhe ta siguroj nuk eshte prek nga permendja e personave te tret sepse Trixes i jan fut parashuta me te tilla provokime dhe nuk ka reaguar, sepse nuk i intereson) Por eshte prekur nga batuta palidhje e Zotri Salsanos(per vrasje e therje) dhe te qeshurat histerike te banoreve qe ajo i konsideronte shume te afert. Ti e fillove po u perkeqesua nga te tjeret qe qeshin akoma me humor te 95′. Kaq! Trixa ka te drejten e te gjith botes te merzitet e te mari fare vendimi te doje sepse boll ka toleruar”, ka shkruar ajo.
