Ministria e Mbrojtjes së Rusisë ka thënë se në anije e tyre ka “zënë” një nëndetëse amerikane në ujërat e veta. Nëndetësja amerikane u largua nga ujërat ruse vetëm pasi refuzoi t’u bindet “urdhrave” të Rusisë për të dalë në sipërfaqe, raporton Interfax.
Rusia akuzoi Uashingtonin për shkeljen e ligjit ndërkombëtar dhe krijimin e një kërcënimi të sigurisë kombëtare lidhur me incidentin, i cili erdhi në një kohë tensionesh të larta midis Moskës dhe Uashingtonit pas situatës së krijuar në Ukrainë.
Nga SHBA-ja nuk kishte ndonjë koment të menjëhershëm pas rastit, njofton Reuters.
Fillimisht urdhri ishte injoruar nga ekuipazhi i nëndetëses amerikane për të dalur në sipërfaqe, duke bërë që ekuipazhi i fregatës ruse Marshal Shaposhnikov të përdorte ‘mjetet e duhura’ për të larguar anijen amerikane.
Zyrtarët rusë kishin thirrur atasheun e mbrojtjes të SHBA-së për incidentin.
Nëndetësja u pa pranë ishujve Kuril mëngjesin e së shtunës, ndërsa Rusia po kryente stërvitje detare me flotën e saj të Paqësorit dhe u urdhërua të dilte menjëherë në sipërfaqe, citohet të ketë thënë ministria ruse.
“Nëndetësja e SHBA-së… u largua nga ujërat territoriale ruse me shpejtësi maksimale,” citohet të ketë thënë ministria e mbrojtjes.
