Ambasada amerikane në Tiranë ka shpërndarë mesazhin e fortë të Këshilltarit të Sigurisë Kombëtare në Shtëpinë e Bardhë, Jake Sullivan, i cili i bëri thirrje të premten të gjithë qytetarëve amerikanë që janë ende në Ukrainë të largohen menjëherë nga vendi.
“Çdo amerikan në Ukrainë duhet të largohet sa më shpejt që të jetë e mundur në 24-48 orët e ardhshme”, tha Sullivan, duke lënë kështu një afat deri të dielën e 13 shkurtit.
“Ne nxisim të gjithë qytetarët amerikanë që janë ende në Ukrainë të largohen menjëherë.
Ne duam të jemi të qartë në këtë pikë – çdo amerikan në Ukrainë duhet të largohet sa më shpejt që të jetë e mundur në 24-48 orët e ardhshme”, është thirrja që ka shpërndarë dhe ambasada amerikane në Tiranë.
