Aktorja dhe modelja Arta Elezaj është një personazh mjaft i ndjekur dhe i komentuat në rrjete sociale për jetën e saj super luksoze.
Pak kohë më parë, Arta publikoi në Instagram një fotografi në Dubai. Ajo dukej mjaft elegante, e veshur me një këmishë të zezë me material sateni, të kombinuar me një palë xhinse të shkurtra. Këtë dukje, Elezaj e kishte kombinuar me një numër të madh bizhuterish, të cilat kapin shifra të larta çmimesh.
Faqja “Shqip Closet” ka zbuluar se e gjithë veshja e modeles në total kap shifrën e mbi 147 mijë eurove.
Bluza e saj e markës “Alexander Wang” kushton rreth 725 euro, ndërsa xhinset nga e njëjta markë kushtojnë plot 380 euro.
Reçipetat “Prada” kapin shifrën e afro 480 eurove, ndërkohë që ora e saj e markës “Audemars Piguet” kushton plot 48 mijë e 100 euro.
Ish-aktorja e “O Sa Mirë” mbante gjithashtu në dorë plot tri byzylykë të markës “Cartier” me ngjyra të ndryshme, të cilët kushtojnë përkatësisht 6,800, 43,888 dhe 46,900 euro – varësisht nga numri i gurëve të çmuar.
