Efektivët e policisë kanë qëlluar drejt një mjeti në Sarandë! Mësohet se blutë e qytetit bregdetar i kanë bërë shenjë që të ndalojë një makine në hyrje të Sarandës, por drejtuesi i saj nuk është bindur dhe ka nisur të kryej manovra të rrezikshme.
Në largim e sipër, automjeti ka përplasur efektivin e policisë me inicialet R. Ç., i cili raportohet se po merr ndihmën e nevojshme mjekësore dhe ndodhet jashtë rrezikut për jetë.
Grupi i efektivëve është kundërpërgjigjur me armë zjarri drejt mjetit në fjalë, por i rrezikshmi ka arritur që t’i shpëtojë policisë. Në të njëjten zonë është gjetur dhe një armë zjarri, që besohet se i përket drejtuesit të mjetit. Efektivët janë ende në kërkim të tij. kontrolle po kryhen dhe gjatë bregut të detit.
