Ministria e Shëndetësisë njoftoi se në Kosovë janë regjistruar dy viktima dhe 770 raste të reja me koronavirus, nga 4,285 testime.
Sipas raportit të Ministrisë së Shëndetësisë, që i referohet të dhënave të 24 orëve të fundit, 1,589 pacientë janë shëruar nga koronavirusi. Ndërkaq, raste aktive me COVID-19 janë 16,028.
Sa i përket vaksinimit, në 24 orët e fundit janë administruar 1,319 doza të vaksinës kundër koronavirusit. Në Kosovë, deri më tani me dy doza të vaksinave janë imunizuar 45.11 për qind e popullatës.
