Shtëpia e “Big Brother VIP” është mbushur plot mbrëmjen e djeshme. Mysafirë kanë ardhur disa nga personalitetet më të njohura të ekranit, mes tyre Ermal Mamaqi, Xhemi Shehu, Edi Manushi, Agron Llakaj, Flori Gjini, Salsano Rrapi e Rovena Lule.
Agron Llakaj ka zbuluar një detaj që nuk e dinim për të dhe Monika Lubonjën. Të dy paskan mbaruar shkollën bashkë.
“Kam qenë baba kur shkoja në shkollë dhe Monika ishte gocë e re”, rrëfen Llakaj në një bisedë me banorët.
Sa i takon eksperiencës së saj në Big Brother, Llakaj tha se e kishte ndjekur Lubonjën dhe në javët e para e kishte parë disi në vështirësi për t’u përshtatur.
Vetë Lubonja tha se nuk dinte se me kë të debatonte, për shkak të moshës së re të banorëve të tjerë.
